صــــــــــوورك .. عنــــدي ..
يعني يا تسوين اللي أبي
يا أفضحك انتي واهلك
بسم الله الرحمن الرحيم
اول شي
السلام عليكم ورحمة الله وبركاته
طبعا العنواان وااضح
نشوف كثيير من الشباب اللي يهددون البنات بصورهم
سواء ان كانت البنت هي اللي عطته صورتها برضاها
او انه اخترق جهازها واخذ الصور وجلس يهددها فيها
يا تحبيني يا انشر صورك
ياتشغلي الكام يا انشر صورك
يا تعطيني رقمك يا انشر صورك
والكثير الكثير من التهديدات
وطبعا البنت تتوهم انها محكوومة على امرها وان صورها اهم من نفسها
يعني ترضخ انها تقابله على ان بس ما يوزع صورها
ما درت انه لما يقابلها بيصورها اكثر واكثر ويمكن يسجل مقاطع بأوضاع مخلة
اناا عندي راي بالموضوع
بس بكون أنانية ان وضعت موضوع بوجهة نظر واحدةواهملت الأراء الثانية
واحنا بقسم الحوار
يعني لازم افتح باب حوار
علشان هالموضوع
أبي أسأل كم سؤال وياليت احصل اجوبة
وكل شخص برأيه يجاوب وبالأأول والاخير ياتقنعني يا أقنعك يعني الواضح اخذ وعطا بالكلام
السؤال الأول للبنات ويقدرو الشباب يقولوا وجهة نظرهم
1- لو هددك شخص بصورك نقول بشي بسيط انه يقول يا تحبيني او ترقميني يا انشر صورك وش تسوي ؟؟
أ - ترضخين لطلباته
ب- تحاولي تاخذي وتعطي معه ألين ما تسحبي صورك ؟؟
ج - تذكرينه بربه وتدعي عليه ؟
هـ بلوك وديليت وتعلمي اهلك باللي صار ؟
ز - تروحي تبلغي الهيئة ؟
(( تقدري تجاوبي غير هالأجوبة بمزاجك يعني اكتبي اللي تبي ))
السؤال الحين للشباب وبرضو البنات يقولو وجهة نظرهم
2 - لو جتك اختك وقالتلك يافلان واحد اخترق جهازي واخذ صوري ويهددني وش تسوي انت؟؟
او خلينا نصعب السؤال .. لو جتك اختك وقالتلك يافلان انا بصارحك بشي انا بصراحه غلط غلطت عمري وتعرف على شخص اغواني وبصراحه انا اعطيته صورتي والحين هو يهددني فيها شنو بتكون ردت فعلك ؟؟
أ- بتلعن خامسها وتكفخ اهل اهل اهلها وتمنع الجوال والنت عنها وتتصل على أبن الـ ... وتقوله وربي لأجيبك ومن هالكلام ؟
ب - بتبلغ الهيئة عن الشخص المبتز ؟؟
ج - بتروح تعلم ابوك وامك وتكلم اخوياك كلهم تحاول تدور حل للمشكلة ؟؟
د - تحاول تخلي اختك تسحب المبتز الين ما تواعده بمكان وتروح تجيب اكبر عجرا وتحطها بين عيونه؟
هـ - تتفهم الوضع وتفهم اختك ان الوضع مايستاهل هالخوف والثقه موجوده دامك ماغلطتي ؟؟
ز - تكبر المخده وتقولها تستاهلي؟
(( تقدر تجاوب بغير هالخيارات ))
حبآيب قلبي الموضوع شوي حساس وفيه ناس كثير طاحو بالموضوع
وخصوصا ان التهديد ماصار بس على الصور صار بكل شي
خصوصا اللي يهددك بأهلك والله لاحط الحشيش بسيارت اخوك وابلغ عنه
والله لاخلي اخوك الصغير مدمن
والله عندي صور اختك فلانة
والله بنشر عنك سمعه سيئة
تهديد وابتزاز لأشخاص قمة بالرذالة
لاتخاافووا يابناات
والله الصور شي عاادي صار يعني حتى صوره فلانة ولا علانة يعني من اللي بيتنقلها ؟؟ خلاص
اصلا حتى البلوتوث محد صار يستخدمه
الخضووع مو حل
مابي اطول عليكم <<< أحلف
أنتظر ردودكم ونقاشاتكم
تحياتي ... @ فني 000 كلمات @
